انت شيعي واني سني

مررت على هذه القصيدة الرائعة في احد المنتديات فاعجتني كثيراً اهديها الى اعضاء المنتدى الجميل منتدى التحدي وارجو ان تعتبروها من كتاباتي الخاصة الانني احسست بها فعلاً هذه هديتي لكم ..... انتظـــــــــــ الندى ــار

أني سني و أنت شيعي و بيني

و بينك خلاف و وجهة نظر

بس يبقى عدنا علي مشترك

لا ينسي و لا ينمحي و لا ينكر

أسمه الحسين و من أكول أسمه

أحس دمع العين يريد ينفجر

من عنده أخذنا أعظم دروس

و من يومه تعلمنا مواعظ و عبر

و اللي صار ما بيني و بينك

مو تحصيل حاصل و لا حسبة قدر

هذه بذرة تفرقة إنزرعت من زمان

هذه مكيدة و تدبير و مكر

و لو جاك غريب و كللك

هذا ماضي و مر عليه 14 عصر

كله نصير أحنا سنة علي

اليوم و نصير شيعة عمر

و بعد ما يفرقنا لا طاغي و لا محتل

و لا ذاك اليكفر بمنطق الحجر
تعال آنه وياك الأيد بالأيد

نمشي و ننتخب بأسم العراق الحر

و نمزج بالقلم دمي ويه دمك

و نكتب على العلم الله أكبر