نكت عراقية جميلة ارجو انو متكون ( بايخة )
حرامي كمشته وحده سمينه حيل، نامت عليه وگلت لزوجهه: بسرعه .. خابر الشرطه .. گاللها زوجها: هوه شگد الرقم؟؟ گلله الحرامي: 111 بسرعه يمعود.
كردي سمع انه الجزر يقوي النظر.. راح اشتره گونية جزر وگعد يتباوع عليهه.
مصلاوي واگف بالبلكونة... إبنه إجه من بعيد يصيح: بابا بابا بابا بابا... گاله: ولك .. ابن الكلب.. بابه وحده كافي.
جبان سمع صفارة الانذار، شرد.. گالوله: تره ديجربوهه گال: واني همينه دا اجرب الشرده.
بإنفجار مقر الأمم المتحدة ببغداد راح كردي يدور على صديقه، فوگف يم واحد صيني متمدد عالسديه ويصيح (شن شان شو شي شا...) گال الكردي يمكن ديوصي خللي أكتب الوصيه... فلما مات الصيني أجوي يقرون الوصيه لگوا الترجمه تعني( ولك وخر رجلك عن صوندة الأوكسجين تره راح أختنگ وأموت).[/size]
موضوع: نكت عراقية 
الإثنين أكتوبر 26, 2009 9:45 am
